بەناوی خوای بێهاوتا، جێژنی قوربانە سەرم قوربانی تۆ بێی نیشتمان

 بە بۆنەی جیژنی قوربان پیرۆزبایی لـەهەمـو خوشکو برا کوردەکانم دەکەم جگە لەوانەی پشتیان لە گەلەکەیان کردوەو بە شێوەی جۆراوجۆربونە داردەست وهاوکاری دوژمنانی داگیرکەر.

mela-braym-mejidpur-0

مەلا برایم مەجیدپوور

لەهەمو موسڵمانانی جیهیان پیرۆز بێی جـگـە لـەوانـەی دەستیان بـە خوێنی شەهیدانی کورد سورەو ئەوانەش کە یارمەتیان داونو مافو ئازادی گەلەکەمانیان پێشێل کردوە .

خوشکو برا کوردەکانم قوربان وەبیر هێنەرەوەی نمونەیەکی بەرزی فیداکاریو لـەخۆ بوردەییە لـە ڕێگای بیرو بـاوەڕو ئـامانج و ئیمانـدا. زیـنـدوکـەرەوەی سوننەتێکی مەزن و بـوێـرانـەیـە بـۆگیان بەخت کردن لـە ڕێی ئـازادی گەلـو نیشتماندا. گەلی کورد ئەو سوننەتەی ئیبڕاهیمی کردۆتە ئۆلگو بـۆ بەردەوامی و سوربون لەسەر مافو سەردانان لە ڕێێ ئامانجدا . ئەگەر ئیبڕاهیم بە فەرمانی خوا ئەو لەخۆبردوییەی لە خۆی نیشانداوە، ئـامادەبـوە بـۆ بـەڕێـوە بـردنی ئـەو ئـەرکە قـوسە، خەباتی کـوردو قـوربانی دانـەکەشی هـەر بـەو پێوەرەیـەو بەبارێکیتردا بەڕێوە بردنی فەرمانی خوایە . خـوا فـەرمانی تـەسلیم نـەبـون و بەرەنگاری زاڵمانی بۆ مرۆڤایەتی دەرکردوە لە ناو ئەوانیشدا بە ئێمە ئیمان دارانیان ئەسپێر دراوە . کورد لەو بوارەدا زۆرترین و بایخدارترین قوربانی داوە . بـە هەزاران ئیسماعیلی کـورد بـۆ ڕزگاری زێـدو گەلـەکەی گیانیان بەختکردوەو سەریان داناوە.

من دڵنیا م چۆن ئیبڕاهیم ئەرکی خۆی بەجێی هێناو بەئامانجی گەیشت ، ئێمەی کوردیش لە ڕێگای بەڕێوەبردنی ئەرکەکانمان، وەدیهێنانی ئامانجی گەلەکەماندا بە پێش کێش کردنی ئەو هەمو قوربانیو ماڵوێرانیە دەگەینە ئامانجی مەبەست، ئەگەر ڕێگەکەمان درێـژبـۆتـەوەو شۆڕشەکـەمـان زۆری کێشاوەو ژمـارەی قوبانیەکانمان زیادەو زیاتریش دەبێی ، بـۆ ئـەوە دەگەڕێتەوە کە نـاو خۆمانـدا کورتمان هێناوە ، هێندێکمان لە ڕیبازی گەل لایانداوە، خـائین و خـۆفـرۆشمان لەناودا دروستکراوە ، بۆ وەدەست هێنانی پارەو پلە یەکڕیزیوسەفی یەکگرتومان پچڕاندوەو تێکداوە. بـوینە نـۆکەرو گوێلەمستی دوژمـن و بـرایەتیو نیشتمان و ئازادیمان وەلاناوە .وەک چۆن لە شەڕی ( ئوحود ) دا هێندێک لە موسوڵمانان بەتەماعی کۆکردنەوەی دەسکەوتی مـاددی سەنگەریـان چـۆلکرد و دوژمـن لـە پشتەوەڕا زەفەری پێبردن و ئـەو سەرکەوتنە مەزنـەی وەدەستیان هێنابـو لێیان بوبە شکستێکی گەورەو زەبرێکی قورسو بەژانیان وێکەوتوبەئامانجەکەیان نـەگەیشتن، بەڵام لە بەردەوامیدا سەرئەنجام ئەو ڕێبازە سەری گرتو سەرکەوت. ئێمەی کوردیش ڕاست ئەوەمان لێقەڵماوە ،هێندێک کەسوحیزب بۆ بەرژەوەنـدی خۆیان سەنگەریان چۆل کردوەو کەلێنیان بـۆ نـفوزی دوژمـن وەدی هێناوە، لەوەش زیاتر برا بۆتە دوژمنی براوپاڵی وە نەیارو داگیرکەران داوە، یـەکیەتی لەناو خۆمانـداهەلـوەشاوە ، بەرنامەو بڕیاری یەکگرتومان نیەو پیرۆزی بـۆنـە نەتەوەیی و ئایینیەکانیشمان لەدەست داوە . بەو بریاروهەڵوێستە لێک جیاوازانە زەبریان لە چونە پێشی خەباتەکە داوە. دەگەڵ هەموی ئـەوکەمـو کوڕیـو کونـو کەلەبەرانە لـە نیهایەتیدا جەبـری مێژوحوکم دەکا وخەبـات سەردەکەوێو شانازی بەگەلو شەهیدانو بنەمالەکانیان دەبڕێو سەرشۆڕی و پەشیمانی بۆ دۆڕاوانو خۆ فرۆشان دەمێنێتەوە.

هیوادارم بەهۆی یادی ئەو بۆنە پیرۆزانە وەبیرمان بێتەوە کێین ، چیمان دەوێو دەبێی چ بکەین و بۆچی ئەو هەمو شەهیدەمان داوە. دوژمـن بـناسین و بـزانـین هەرگیز خێری ئێمەی نەوەیستوەو نای هەوێی و چەندین جار بە قسەی شیرنو درۆی شاخدار هەڵییان خەڵەتاندوین فریویان داوین و زەبری گرچو بـڕیان لێداوین .

 بەهیوای سەرکەوتن و دیسانیش پیرۆز تان بێی.

 براتان مەلا برایمی مەجید پور

 ڕێکەوتی ٢٩ گەلاوێژی ٢٧١٨ ـــ ٨ زیحەجەی ١٤٣٩ کۆچی

نوێترین بابەت و هەواڵ
ئارشیو